The Creations of Hong Kong

【專題報導】MAMASMART, 如陽光伴我!

2017.04.11

1,029

【專題報導】MAMASMART, 如陽光伴我!

 

我們相信:幸福是簡單的,簡單是幸福的”
媽媽是家庭的支柱, 無論時代如何轉變, 媽媽對子女的愛是不變的”
我們應該好好運用大自然給予的資源”

今個星期六日, MAMASMART又回來了。大家都知道這個市集推廣媽媽的手作製品 , 但又對她有多少認識呢? 今次 HKCreate 訪問了主辦單位田和設計的負責人 – 何岸(Jess Ho), 讓大家更了解這個香港創作的市集。


MAMASMART?

MAMASMART市集從2014年9月開始, 由最初的每月一次, 到現在平均每2~3個月舉行一次。每次大約有30~40個手作檔攤, 主要在大埔科學園舉行。市集內除了可以見到MAMA們親手準備的物品(包括食物和用品)外, 亦會有現場表演和不同主題的workshop。

「希望MAMASMART不止是一個市集, 更是一個WEEKEND PARTY」

大家可以放鬆心情, 享受大自然, 增進親子間的交流。而最重要是凝聚「周身刀」的MAMA們, 鼓勵她們就算是全職主婦, 已經退休或因為家庭而放棄了自己的興趣, 都可以為社會出一份力, 肯定自己的價值。


為何選址科學園?

最近香港市集風氣盛行, 幾乎每區每星期都有不同主題的市集。雖然大部份都集中在市區, 但對強調大自然資源的MAMASMART而言, 科學園有它的特點。「其實每一區都有不同的特性, 比起其他地區, 大埔, 馬鞍山, 沙田既居民, 佢地對環保既意識相對較高, 接受能力亦較大」

幾年來的堅持, 讓MAMASMART在科學園站穩了陣腳。不少MAMA已經記住了這個市集, 甚至定期留意有什麼活動更新。


由第一次至今, MAMASMART最大的變化是?

「第一次試驗時只有十個媽媽參加……到宜家每次都好穩定有30幾個MAMA支持。 就算吾係科學園, 都有幾個MAMA會keep住參加」這種互相信任的關係, 雖然看似很渺小, 但就正正成為了不斷推動Jess向前的力量。

MAMASMART有別於其他市集的其中一個原因, 是她很強調要從人出發。「最近多左MAMA帶埋小朋友參加, 亦有年輕一輩主動陪MAMA一齊參加」「有MAMA主動同我分享佢地既故事」 看到參加者樂聚天倫, 得到家人的認同, 支持, 甚至更積極去表達自己, 樂在其中, 這應該是最大最有意義的變化。


最印象深刻的"MAMA"?

每個MAMA都有屬於她們的故事, 而故事的主人翁其實都不外乎是自己的孩子。為了給孩子最好的東西, 無論是任何事MAMA都願意去做。下面的故事, 只是云云動人故事中的一少部份。

「呢個MAMA係做拼布袋既, 係佢的袋上面有吾同既圖案。有的係同個囡一齊飲茶, 或者有部相機, 去旅行既圖案等等。原來都係因為個MAMA之前有場大病, 佢怕會離開個囡, 所以想留返的野比個囡做紀念, 於是就將佢地一的好珍貴既回憶整上個袋度」

 

「有次我請左個表演嘉賓, 佢有個朋友一齊黎。傾左一陣, 知道佢住大埔, 媽媽整鳳梨酥又好叻, 所以我介紹佢地黎試下賣鳳梨酥。初時佢地係一齊黎既, 但係個囡參加左市集之後, 對整麵包越黎越有興趣。而家媽媽只是從旁支持, 反而個囡囡一直有參加, 每次都會帶來不同款式的新鮮麵包。囡囡係廿幾歲既年輕人, 睇到佢有甘大變化, 令人意外又開心」

 

「好多時參加MAMASMART既MAMA都係整手工皂同護膚品, 因為小朋友都有濕疹同蠶豆症既問題。呢個MAMA都係因為囡囡有濕疹, 所以特登去學中醫, 將中藥既元素加入手工皂度。而家廿幾歲既囡囡會同媽媽一齊黎擺檔, 手工皂變成屬於兩母女既一盆小生意」


舉辦MAMASMART, 有遇困難嗎?

Jess認為, 有明確的目標是最重要的。好好運用身邊資源, 集合大家的長處和能量, 事情就會更順利。「當市集規模越來越大時, 一個人好難兼顧所有野。好彩每次都有志同道合既義工幫手, 有幾個更加係黎自中文大學新聞系既同學, 真係好多謝佢地」


在即將舉行的MAMASMART, 有什麼特別活動?

每次MAMASMART都會準備不同的音樂表演及工作坊。而今次特別想推介給各位的, 就是由Che Che Family帶領的親子藝術工作坊 — 小石頭說故事 。組成Che Che Family的幾位MAMA, 希望透過藝術創作增加親子之間的溝通和互動,讓孩子們體驗快樂的童年。

利用3~5塊不起眼, 不名貴, 但最天然的小石頭, 讓富有想像力的小朋友自由發揮他們的小宇宙, 與家長一同繪畫并分享屬於他們自己的創作小故事。為了令孩子們更投入, 現場設有獨立小帳幕。在孩子們與家長一同快樂地互動時, 家長亦可以拋開平時的壓力, 尋找當中最簡單的幸福。

這個工作坊不單提供了機會給孩子們與家長交流, 當中20%的參加費, 會捐贈給「綠惜地球」,以支持推動, 改善及保護環境的工作, 所以是很值得大家支持的。


未來會舉PAPASMART?

媽媽一直在社會上扮演著被動的角色, 仍然有很多人覺得媽媽應該專心照顧家庭。但其實媽媽對每一代都有著深遠的影響, 她們不應被忽視, 她們的才華更不應被埋沒。「上面既故事, 都係參加左市集既MAMA既分享。但其實仲有好多有相似故事既MAMA係我地仍然未接觸到既。我好想搵到佢地, 比佢地了解多的關於呢個市集, 可以幫到佢地」

雖然未有PAPASMART, 但其實已經有PAPA參加過MAMASMART。只要理念一致, 又何需介意呢?「有個PAPA覺得自己退左休好似同社會脫節左, 後來透過仔仔介紹參加左我地。佢好仲意煮野, 新年個陣整左的蘿蔔糕黎賣, 反應好好, 佢都覺得好開心」


記得今個星期六日 – 大埔科學園 MAMASMART約定你!
 

希望大家讀完這篇專題報導後, 會對MAMASMART有更深入的認識。如果你是支持香港本地創作市集的話, 希望你能讚好或分享我們這篇報導, 讓這個訊息宣揚開去, 集合更多香港創作人力量。
 

(黎緊仲會有MAMASMART現場直擊同JESS HO專題報導, 吾好錯過呀~)


相關內容

Mermaid in the Fataland

Mermaid in the Fataland

夢想成為偽文青的一條肥魚。
喜愛靠自己的一雙手做自己喜歡的事。